“Hi. Hi Mayang, kamusta?”

 

Wala ko kasabot sa akoang gibati. Wala ko kabalo kung mungisi o magpahiyom ba ko. Ershit, gikilig ko gamay.

Dili jud ko makalimot aning nawonga ni, dili jud nako makalimtan ning tawhana.

Vincent Michael “Kokoy” Villaflor – ang akoang first love, ang akoang first ex.

 

“Kamusta ka oy? Mura man kag kakita ug artista! Ako ra ni. Kalma ra.” 

 

Makalagot ang katawa sa kagwang nga ninglingkod pa sa akoang atbang nga bangko.

 

“Buing. Pero ninghayag lage ka?” Ningngisi ko nga nakatutok sa iyaha. 

 

“Pila ka watts?”

 

“Unsay pila ka watts?” Medyo slow ko diri.

 

“Ninghayag man kaya ko. So mura’g suga, pila ka watts?”

 

Ningkatawa nalang ko. Pero dili jud nako mapugngan akoang self oy. Ninggwapo jud siya ug samot. 

 

Given naman jud ang kagwapo ani niya dati. Manguyab ba diay kog pangit? Hello? Gwapahon pud baya ta. 

 

Pero lahi ra jud ang awra niya karun uy. Ninghamis ang inahak, ningputi. Kabalo na manamit, dili na kengkoy tan-awon. 

 

Nawala nasad iyahang pabang-bangs dati katong nauso pa ang emo-emo ug pa-jejemon. Unya ang lips dzai! Ang lips na crush na jud kaayo nako dati pa, chaka na – mura jud ug tambis. Kalami ba paakon!

 

Pugngi ko self. Pugngi ko!

 

“Sige lage kag tutok nako. Nabag-uhan ka? Ako ra lage ni.” Ningngisi nasad ang buang.

 

“Ninggwapo ra ka. Nabag-uhan ra ko. Pero ayaw isipa nga naa pakoy feelings nimo ha? Ning-gwapo ra ka pero wala na noh, wala nakoy feelings nimo.”

 

“Defensive ra lage ka bhe? You don’t have to explain gud. Ug okay ra man kung naa japon kay feelings nako, kay ako naa paman.”

 

“Butbot nimo doh. Ayaw ko’g i-bhe bhe kay hagbay ra nako na nako nang gikalimtan, kamahak ka!”

 

“Sorry gud. Komedya ra gani. Maldita diay japon ka noh? Pero ganahan ko ana. Ganahan gihapon ko nimo.”

 

Mga boys, the same workshop ra jud mo noh? Way bag-o diha? Dili na gud mubukhad amoang atay sa inyuhang mga linyada.

Pwede gud mo magpatudlo sa akoa ug bag-ong script ay. I’m a writer, and yes I do the cooking, yes I do the cleaning.

Pero dili jud nako ni maingon niya ay. Ershit, ganahan japon ko niya!

Tan-awa palang niya yors mura nakog kahilantanon. Kagwapo ba! Mura man ug ningbalik akoang feelings niya tong high school oy.

 

“Utot nimo Koy. Pero in fairness ha, kabalo gihapon ka mu-bisaya. Abi nakog tagalog-speaking naka kay tua naka’g Manila?”

 

“Makalimot ba diay ko nga mao man ni akoang nadak-an. Dili man gani tika malimtan nga kadyot ra ta nag-uban.”

 

Isa nalang guys! Isa nalang jud akoa na jud ni siyang mahalukan! Korny kaayo iyahang mga atake pero nganong ginakilig ko!

 

Ang lips sa jud! Ang lips! Iyahang ginabasa-basa arun ma-attract kog samot!

 

Dili man siguro nako ika-degrade noh kung kalit nako siyang halukan? Dili kaya masuko ang Gabriela ani? Ang CHR? Pasayloya ko Lord!

 

Pero NO! Dili ko dapat mubigay. Mao ning tao nga first nagpasakit sa akoa. First heartache, first heartbreak. Diri ko nakatuon ug inom ug Tanduay Light nga walay chaser tungod sa iyahang gihimo sa akoa!

 

“Mangigilad japon ka noh? Dili nako madala anang mga linya nimo yors. Hagbay ra nang gilumot.”

 

“Suko diay gihapon ka? Kalimtan nagud nato ‘to. Mga bata paman ta adtong tungura. Wala pa ta kabalo sa atoang mga ginabuhat, puro pa-cool lang atoang nabal-an. Abi natog fairytale lang tanan. Di ba nag-mature naman ta karun? Pwede man siguro nato-“

 

“Sugdan nasad? Ngii, wala ka gingilngigan?”

 

“So dili nimo to kalimtan?”

 

Nahilom ko kadali. “Pwede tika pasayluon pero dili nako to pwede makalimtan. Dili nako makalimtan ang usa ka butang nga nagpabag-o sa akoa karun.”

 

“Char. Ana ka ka-deep?”

 

“Unsay char? Animal ka! Ikaw ang kaya unang nagpa-broken sa akoa! Bisag fifteen pako adto, kabalo nako masakitan noh. Unsa kahay ningsaka sa imuhang utok nga nagsabot ta ug feat-feat sa clan, nga ako imuhang uyab, pero naa diay kay ka-feat nga lain? Gi-uyab diay nimo ang founder sa clan?”

 

“Hala” ningkatawa ang abnormal. “Remember pa jud diay to nimo?” Another katawa nasad. “Unsa gani to nga clan bhe?”

 

“Empire Social Club! Mao tong first clan nako ug didto ta nag-uyab bisag silingan ra ta! Ikaw pa ang naka-butang sa akoang signature text animala ka tapos iba diay imuhang ka-feat?! Kay ngano, dato man ang founder! Permi man ka matagaan ug load! Mao diay permi ka saba sa GM road! Unya ini’g feat nimo siya, dili ko nimo agian sa imuhang mga GM?! Kagwang ka!”

 

“So mao tong ning-quit ka tapos naghimo ug clan nga lain kauban sa imuhang mga best friends? Pero ning-join gihapon ko sa inyuhang clan di ba? Katong Friends Texter Zone Clan. Nagchange ko ug codename, nagchange ug number. Nangayo ko ug sorry sa imuha pero naa nakay ka-feat nga lain.”

 

“Feat lang mi adto. Dili mi uyab. Giundang sad nako to katong nabal-an nako nga tomboy diay siya. Ingon ingon pa ug lalaki ang buang, pakaslan daw ko niya bisag asa nga simbahan, nangutana pa’g pila ka anak akoang gusto. Ahak!”

 

Ug ningkatawa nasad siya. 

 

“Unsay kataw-anan?” Dili jud nako gets nganong sige siyag katawa unya ako lagot na kaayo.

 

“Wala lang. Kataw-anan kaayo ta ug mga kaagi. Mga bata pa jud kaayo tag utok sa una.” 

 

Nahilom siya unya ningtutok sa akoa. Hoyy!!! Ayaw pag-ana, matunaw ko diri!

 

“Karun kay daghan naman nagbag-o. Nanagko nata, naging mature na. Pero kabalo ka unsay wala nagbag-o?”

 

“Unsa napud nah?” Ginapilit jud nako magminaldita kay ginikilig ko. Animal!

 

“Ako. Ang panglantaw nako sa imuha, ang feelings nako. Ako … ikaw … ako, ikaw na pwede pa maging kita.”

 

Tabang mga dhai! Pwede magpakuyap-kuyap? Medic! Medic! Kadali ra gud. I-feel sah nako ang moment!

 

“Tarong oy! Dili nata mga bata koy. Ayaw kog binuangi! Taka ra kag bangag diha!”

 

“Bitaw. Wala kog nagbinuang. Gusto nimo madunggan ang theme song nato sa una?”

 

Naka-smile napud siyang nakatutok sa akoa. Atay!

 

“Kajejemon adto! Ayaw oy!” ningkatawa ko sa dakong kalipay.

 

Wala jud siya nagpapugong. Ningkantaha jud ang kanahan!

 

“Baby paminawa

Kining akong kantaha

Para jud ni sa imoha

Sultihan tika sa akong pagbati

Ikaw gyud ni sa akong kasing2x

 

Baby love na love tika 3x

Ikaw ra jud ug wala nay lain pa

 

Ang paghigugma ko kanimo

Murag tambotso nag aso2x

Ang paghigugma ko kanimo

Kusog kaayo ga buto2x”

 

Mura jud mi ug mga abnormal! HAHAHA

 

“Pagpuyo oy! Mura jud kag buang!” grabe na nako ning pugong ha kay gikilig na jud ko ug over-over.

 

“Buang man jud ko! Buang nimo.” 

 

Afatay!

 

“Wait lang guys ha.” kali ra ni-insert akoang mga amega. “Kaon sah mo ug pansit oh!” 

 

“Pansit nalang nabilin dhai?” nabalhin akoang atensyon sa pagkaon. Na-remember nako nga gigutom naman diay ko.”

 

“Pansit nalang atoang naabtan dhai. Pero okay ra, kinahanglan nasad nato nga muuli kay naay naghulat sa inyuhang balay!”

 

“Kinsa?” dako nakong pangutana.

 

“Si Ar-Ar! Nagdala daw ug chicken bucket ug mga pizza. Mura sad kag nagbirthday dah!”

 

“Kinsay Ar-Ar?” dako sang pangutana ni Kokoy nga nakalitan sa iyahang gilingkuran.

 

“Si Ar-ar ang gapanguyab sa iyaha. Si Dark Knight gud dati, kaila man siguro ka ana niya.”

 

“Katong terminator dati sa clan?”

 

“Is very!” tubag ni Piling.

 

“I-take home nalang siguro nato ning pansit Mayang? Kagaina pa daw siya naghulat.”

 

“Uban ko.”

 

Ninglantaw ang tanan kay Kokoy sa iyahang gisulti.

 

“Uban ko sa inyuhang balay.”

 

Atangi ang sumpay….